“ ”
,
Raldohnak hmun in Lungkil Biacah tawi ka rak tial duak. Zeitik caan paoh ah SAC ralhrang kahmi kuanfang le Bomb in a thi kho kan si caah hi biacah tawi hi zungzal nan Lungkil ah um caamcin seh tiah ka rak thaiduak mi a si. Ahmasabik ah theihter kan duh mi hna cu “ , . , ”.
Rumnak (Wealth), Nawlngeihnak (Power), Minthannak (Popularity) caah dohthlennak kan tuah lo. “Chin ram zalennak, Chinram luatnak ding caah nunnak thisen thap in dohthlennak kan tuah, Chinram nih zalennak le luatnak a hmuh ahcun kan i lungsi, kan i lunghmuih i kan thisen le nunnak hi a phu ko tiah kan thlarau zong aa lawm ko lai.
“ Kan hawile pasaltha tampi cu leidai ah an ciam cang hna. Cheukhat cu an Ruak tlamtling in kan la kho hna lo, acheu cu SAC ralhrang nih an Ruak’pum tiang an khangh dih hna caah an Ruh’ro te lawng kan lak mi hna zong an um. Cun Ruak zoh’awk tha loin SAC ralhrang nih an suaksaam mi hna an tampi. Chungkhar unau um lonak ah ruak vuiliam mi zong an um hna i cheukhat cu Thlacamnak te hmanh tuah manh loin leidai taang ah an ruak vuimi hna zong an um hna. An ruak vuinak, kan ruak vuinak kong ah lungsiaherh tuk ding a si lo. Amah belte“Thisen le Nunnak kan pek hnawhchan a muru tu kan theih piak uh” ti ka duh.
Miphun unau hna “Ziah, pakhat le khat nan i thangchiat i online cakuang in nan i auhnawh len hna, tlangsang horkuang lakah chunzaan aa cawkvak i ralram ah thisen le thlenti pawt in ral a doh cuahmah mi nan naule hi zei kan va si lo zong ah, kan thisen le nunnak cu nanmah bantuk pei kan si ve. Soiselnak, thangchiatnak le vorhpamhnak na tuah hlan ah kan thisen le nunnak pek mi tal hi nan ruat ta kho lo maw? Lungthiang tein nunnak kan pek kan ti lengmang mi hi kan ruah piak ve ngat u!
Ziah! Cheukhat hriamtlai upa hna, Miphun dang a simi Kawl Miphun Media tiang ah Chin ralkap that lonak cu nan langhter. Chinram thencheu ding ah Kawl Miphun, kan pawngkam Miphun dang hriamtlai nan i sawm, nan i rawih tawn mi hna hi a thako nan ti maw? Nanmah bawi duhnak, Nawlngeihnak duhnak le Thutdanh ruah ah online in nan aukhuang i ca phunphun nan chuah.
Nan nau le ralram ah a thi cang mi hna thisen man nan tuar kho te lai maw? Cun atu hi aukhuan sawhsawh le catlap cung ah hrocer caan asi lo. A tak in raldoh caan, kan Chin ram ah a um mi SAC ralhrang Camp dihlak hrawh caan, Chin ram in SAC ralhrang dihlak dawi caan a si cang. Nan naule nih lungthiang tein nunnak le thisen kan thap, nunnak thisen a pe cang mi an tampi cang dakaw timi rak ruat than cio uh tiah kan nawlpat duh hna.
Ramchung Ramleng unau dihlak, tutan raldohnak hi a sawhsawh a si lo. Kan nunnak le thisen kan thap mi hi kan hruh caah a si lo. Miphun dang uknak in Chin ram le Chin Miphun luat ve cang si ti kan duh. Kan thinlung cekne dihlak in kan tuah mi asi. Nan dihlak in kan tel pi cio uh.Khah! Meithal le Bomb in an kan kah cuahmah caah ka ngol rih lai, ka kir than ti lo zong ah ka cabia hi rak ka ruah piak ve hram uh!
–