Rangtinbelh hi cheukhat nih cun khawte an ti. Rangtinbelh timi min a ratnak hi a hnah khi rang ketin he aa lo caah rangtinbelh tiah an tinak a si. Sri Lanka nih cun rangtinbelh hi Elephant plant tiah an ti ve. Rangtinbelh hi thatnak tampi a ngei, cu chungah 3 te ka vun langhter lai:
Hliamhma A Damter: Zeimaw vanchiat thil namte tuknak phunphai ah na thi tampi a chuak kho. Cubantuk lio can ah cozah sii umlonak hmun asi ahcun na pawngkam ah rangtinbelh a um ahcun hnuai law benh, tlawmpal ah na thi a pit colh lai.
Pawpi hma le Chungtlik: Rangtinbelh hi pawpi lei harsatnak a ngeimi caah a tha ngaingai mi a si. Ahleiin Pawpi a kawk mi/Ulcer pawl caah a tha khun. Cun chungtlik ah a tha bak mi a si.
Thluak Athatter: Rangtinbelh hi pehtlaiin a ei mi nih cun thluak lei ah harsatnak an ngeilo tluk a si tiah an ti. Zeicatiah rangtinbelh nih hin minung thluak lei kap fahnak le harnak a kan pe khotu hna kham khawhnak thazaang a ngeih caah stress timi a tlawmter. Antioxidant le Triterpenes timi pum chungah a umter ruangah thluak riantuan a thatter I thluak hrimhrim a tha tiah expert nih an langhter.