Kachin pyine, phakanh myone chung um Mitkyina-phakanh lamcung ralhrang thazaang 200 umnak Nanza sakhan cu KIA le hawile hriamtlai nih an lak cang. Nanza sakhan hi KIA le alliance nih April 9 khan an nam cang hna. Kahdohnak hi afak ngaingai tiah report nih alanghter. Ralhrang nih cunglei jet fighters in biatak tein kahdohnak a tuah caah khualtlawng vialte cu kham dih an si. Atu cu Nanza sakhan cu lak a si cang.
Sittwe Le Kyaukphyu Um Tualchung Mi Vialte Khua Chuahtak Zok Ding In Twan Mrat Naing Nih Ralrin A Pek Hna- Sittwe le Kyaukphyu ah a um mi tualchung mi vialte cu a rannak in khuapi chuahtak dih ding in AA Major General Twan Mrat Naing nih ralrin a pek hna i, biachahnak an tuah cang bantukin a rauh hlan ah kahdohnak thawk an timh kong zong a chim.
“Biachahnak kan tuah cang bantukin SAC ralkap nih an uk cuahmah mi Rakhine ramkulh khualipi Sittwe le Rakhine thlanglei Kyaukphyu ah khua a sa mi tualchung mi vialte khuapi chuahtak in a rannakin a himnak hmun ah i ṭhialkam dih u,” tiah AA Major General nih ralrin a pek hna.Atu bantukin AA dirh kum 15 tlin camtuak lawmhnak ah Twan Mrat Naing nih cun a chim i, Rakhine ralkap rak ti tawn mi cu Arakan ralkap tiah auh si cang seh, tiah a chim chap. Cu pin ah an khualipi a si mi Sittwe le ramkulh thlanglei Kyaukphyu zong a rauh hlan ah an laak lai kong zong a chim.
A liamcia 2009 kum ah KIA hrambunhnak Kachin ramkulh Laiza khuapi in a rak i thawk mi AA cu chaklei hriamtlai unau he ṭangṭi in 1027 Operation an kalpi chung ah Kyauktaw, Mrauk-U, Minbya, Rathedaung, Ponnagyun, Pauktaw, Myebon, Ramree le Chinram, Paletwa tiin peng 9 an laak cang i ralbawi telh in SAC ralkap a thong leng AA sin ah an i ap cang, khuapi a taang rih mi ramkulh chaklei um Buthidaung le Maungtaw laak ding in kahdohnak an kalpi cuahmah, tiah theih a si. TCP