Kanmah cu Pathian riantuantu pastor kan si bantuk in Hakha le Falam karlak ah aa huami kan um lo, rawl kan ei ti hna kan thuti hna. Amahbelte Hakha le Falam aa remlomi bantuk kan langh hi politicians ruangah a si. Politicians nih miphun caah tha tein khua an khan khawhnak hnga biaknak lei hruaitu pastors hna nih thlacamnak in kan bawmh hna herh. Tutan USA ah tonnak kan ngeih lio zongah lungfak mitthli tla in thla kan cam. Hakha le Falam hna chinchin cu meng 40 hrawng lawng aa hlatmi kan si, aa hua kho ding zong kan si lo. Hriamtlai hi an I hua lo I cunglei politicians le media nih thil tampi an hrawh.
Thil pakhat a biapi ngaingai mi cu, miphun caah riantuantu pakhat kha rian dang tampi kan chap/ kan khinh chap rih tikah riantuannak hma a kal kho lo, duh ningin riantuan khawh asi lo. Teinak hi hriamnam a biapi lo, Chin miphun lakah dohthlennak kan hlawhtlin khawhnak hnga lungrualnak asi ko. Cu caah Chin miphun kan I lungrual khawhnak dingah cun, Kan thinhun bu zong in kan thu ti lai, kan tah bu zongin kan thut ti hau. Cucu nihin ah kan I tinh mi asi. Kanmah Hakha le Falam lawng si loin kan unau dang Tedim, Mindat lei he zong thuttinak ngeih khawh hi kan lungchung saduhthah a si.