THAWNGȚHABIA KILVENNÂK LUNGPUT HE JESUH CHUAH LOMHNÂK (KRISMAS) TUAH DUH LO NÂK HI PATHIAN BIA, BAIBAL BIATAK IN LAMPIALNÂK LE KALSUALNÂK PHUN KHAT A SI
ZEICATIAH JESUH CHUAKNÂK LE LOMHNÂK HI BAIBAL AH VOI LI BAK A UM.
Voi khat nâk:- Vanmi thiang hna zong an umnâk vankhualipi khi kaltâk in Jesuh chuahnâk Bethlehem khua pawng, Tukhâl hna riahnâk hmun ah an i lang i Jesuh chuahnak hmun le hma fiang tein an chim hnu ah Zaihla dawh he Jesuh chuahnâk kha an lomh. Luka 2:9-14
Voi hnihnâk: – Tukhâl hna zong an Turun kha kaltâk in Jesuh chuahnâk hmun kha an panh i Naute Jesuh an hmuh i an lomh hnu ah lomhnăk ngan pi he an rian ah an kir țhan.Luka 2:15-16
Voi thum nâk:- Ni chuahlei mifim hna zong an khua le ram le innchungkhar kha kaltâk in Jesuh chuahnâk hmun kha an panh i an hmuh tik ah a sunglawi mi laksawng peknâk he Jesuh chuahnâk (Krismas) kha an lomh. Mathai 2:1-12
Voi li nâk:- Simeon zong Thiang Thlarau fialnâk kha zul in a innchungkhar kha a kaltâk i Jerusalem Țempal ah ra in Naute Jesuh kha a rak pom i a sunglawi mi thih hnangamnâk he Jesuh chuahnâk kha a rak lomh.
Luka 2:25-31- Cucaah hi tluk fiang in Baibal ah Jesuh chuah lomhnâk a um ko nain Jesuh chuah lomhnâk duh lo hi Pathian bia, Baibal biatak in lampialnâk le kalsualnâk phun khat bak a si. Dr.Rual Uk
“Christmas, Jesuh chuah ni kan ti mi hi, zumlo tu hna an pathian Tammuz chuah ni a si”. Rev. Hoi Cung Tum. “Nihin Khrihfa Zumtu țha țha hna nih Christmas, Xmass Dec. 25 ni ah puai an tuah ning he aa dang lo, aa khat bak ko. AD 325 ah Rom Empire Siangpahrang Comstantine nih Tammuz pathian chuah lomhnak puai Dec. 25 ni cu Jesuh Khrih chuah lomhnak ni ah a thlen i a feh ter mi a si”. Rabbi Ephraim Lian Rum