Aung La Sang champion taisawm 2 ning in a chuttu De Ridder cu Anatoly nih a chuh than dih cang. Nihin March 1, ah Redder le Anatoly cu an i thua than. Round 3 nak tlawmpal an i thuat ah Ridder cu amah tein a sungkhan caah a taisawm a veng kho hoi lo caah Anatoly nih a pahnih ningin a chuh cang.
Ridder hi Judo a thiammi a si, standing fight lei cu a thiamlo ngaingai ve. Aung La he an ithuat ah khan standing fight cu sisehlaw Aung La nih a tei colh ko hnga. Aung La sungh pengnak aruang cu Ridder nih a tlaih poh ah a tluk caah a si. Ground game a thiamlo tikah Ridder nih fawi tukin a teinak asi.
Ridder nih Anatoly a tei khawhlonak aruang bik cu Ridder nih tlaih a tim poh ah Anatoly nih aa tlaihter kho bal lo, cun athazaang hrimhrim in Anatoly nih a tei, standing fight in a tei rih. Ground game ah Ridder nih luhpi kho sehlaw Anatoly a sung ve ko hnga. Nain Ridder nih zeitihmanh in a ti kho lo caah Champion taisawm pahnih ningin a sunghnak asi.