Aung La Sang champion taisawm a chut dihtu De Ridder le Anatoly a voihnihnak an ithua cang lai. Avoikhatnak ah Anotoly nih knock out in a rak tei i Taisawm pakhat a rak chuh. Atu zong Taisawm a si rih lai. Ridder nih Aung La a chuh mi Champion taisawm a veng kho hoi te hnga dek maw…
Ramchung Kahdohnak A Dih Tikah Myanmar Ram Ah Zeidah A Tang Lai?-The Chinland Post | 2024 March 1 – SAC cu a tak vawlei kahdohnak ah a sung thluahmah i tlangcung hriamtlai phu pawl nih khuakhat hnu khuakhat an lak thluahmah hi atu ahcun thla 4 leng a rau cang. Sihmanhselaw SAC a sungh ah siseh, kahdohnak a daih ah siseh, Myanmar ram cu a hlan bantuk dirhmun a si than kho ti lai lo.
SAC nih khuapi chung a tlaih khawh rih nak hmunhma pawl ah a thawnnak a funtom chin lio ah EAOs pawl nih an lak cang mi khua pawl kha fek tein tlaih an i zuam ve. Cu lio ah NUG cozah cu a thawnnak a der thluahmah cang i tlangcung hriamtlai phu zong a hip kho ti hna lo. Zei bantuk phu hmanh nih Myanmar ram pumpi cung ah thawnnak (Authority) a ngei ti lo. Kahdonak a daih tik ah a rak chuak ding Federal ramkomh pi zong hi hmunhma hme tete in aa then mi lawngte a si cang lai. Cu kong he pehtlai in ramdang Media CNA Insider nih a thlah mi Documentary a khawmh mi a si. TCLP