Kalsual bialte lakah a fakbik mi kalsual cu sabbath ulh hi a rak si. Zeicatiah Christmas le kumthar tiangin an doh cang.
Krismas le kum thar biatak tein a dohtu hna hi Pathian biatak in lam a pial mi sabbath a ultu an si. Sabbath ultu hna nih Dec.25 le Jan. 1 an doh len mi hi uico nih Vui tum a bauh lên bantuk mên a si. Evan Rualuk
Khrihfa Zumhnak Chungah Cawnpiaknak hmanlo aa thup mi (Paganism, Pluralism, Liberalism) Laimi cu Pathian bia le thlarau hruainak a duh ngaingai mi kan lo. Pathian kan biak mi aa lomhlo zongah kanmah kan i lomh paoh ahcun lungtling phun in a um mi hruaitu hna le hruaimi hna cu an tampi ko lai dah.
Baibal chungah a um lo mi January (1) Kum thar puai tuahnak le December 25 ni i, Jesuh Khrih chuahcam a si ti riang mang i puai tuah duhnak lungput kan ngeih peng rih mi cu India ram Hinduism Zumhnak pathian tampi a zum mi (Pluralism) he dannak a um bak ti lo.Cun Baibal chungah a um lo zongah a pawilo a ni kan lawm lo, amah ka lomh, tiin mipi a cawnpiak tu hna le cu cawnpiaknak hmaanlo a rak cohlantu hna pawl pom kau pawl hi LIBRALISM Cawnpiaknak phungkhat a si fawn.
Cucaah Rom mi hna pathian Tammuz birthday Christmas December 25 ni ah Jesuh chuahcam ah hman le Rome mi hna pathian Janus min philh lonak ah Pope Gregorian nih AD 1582 ah January tiin Rom thla khatnak ah a bunh mi January ni (1)nak cu kum thar puai ah tuahnak hi PAGANISM, LIBERALISM, HIDUISM & PLURALISM zumhnak he ruat setmat ahcun a rak i khat dih mi an si.
Hlan lio Khrihfa (CHRISTIANITY) zumhnak ahcun hmuh ding a rak um bak lo.Cucaah, “Mi thiang mi hna kalnak lam kan zulh i kan Pathian nih lam a kan hruai ” ti hla hi sa ngam ding an si ti lo. Zeicahtiah cun Babilon, Roman Cawnpiaknak hmaanlo Mi thur mi hna kalnak “Lampi “Zulh dingin mi a cawnpiaktu hna le cu cawnpiaknak Lam Zulh ko bu in cun hi hla cu sak ngam ding hrim² a si lo.
Zeicahtiah Pathian hruainak Upadi Bible ningin kan Vawlei Khrihfabu pi cu an kal ti lo. Zu ripa nih Motor a mongh bantuk in Khrihfabu a kan hruaitu hna nih Pathian duhnak zoh ti loin Hruai mi an i lomh paoh ahcun ti in Khrihfabu an hruai cang caah tihnung a si ko cang. Cucaah cun Paganism, Libralism le Pluralism biaknak phun zakip fonh in aa țhihruai mi Khrihfabu nganpi men an si.
Vuipi bangin an kal uahmah zong ah khuaitizu a um ti lo mi khuai nih an chuahtak cang mi Khuai thlar ro bantuk men an si ko.Apostle Johan nih, “Khrih cawnpiaknak (Baibal) chungah um peng loin kar hlei a lammi nih cun Pathian kha an ngei lo. Cawnpiaknak chung ah khan a um peng mi nih cun Pa he Fapa he khan an ngeih hna,” a ti.(2 Johan 1:9).
Khrih Cawnpiaknak Bible lengah a um mi nih cun Rom pathian Tammuz Chuahcam Dec. 25 ni cu Jesuh Khrih Chuahlomhnak ni ah hman le Rom pathian Janus philhlonak caah January ni (1) nak, kum thar puai tuahnak i hman cu Baibal lonh le Karhlei lamh a si caah Pa he Fapa he an ngei lo tiah Apostle Johan nih a ti.
Janus god (Janus pathian)(January is the first month of Roman Calendar) In ancient Roman religion and myth, Janus is the Roman god of beginnings, gates, transitions, time, duality, doorways. Roman god of beginnings and transitions January was named after Janus, the Roman god of beginnings and transitions.
Note: Khrihfa Zumhnak Chungah Cawnpiaknak hmanlo aa thup mi (Paganism, Pluralism, Liberalism ) hna hi Mipi nih an theih i an i fian lai ding mi cu an hruaitu hna nih hin an țih bik mi a si. Credit: Ephraim Lian Rum