Report nih alanghter nin ahcun nizan in SAC ralhrang nih Zayatgyi khuapi hi kah hram a thawk cang. Jet fighter hmang in bomb a thlak lengmang. Tuzing tiang vanlawng in bomb thlak a ngol lo. Bomb in a kah ruangah khuami minung 10 nunnak a liam i minung 50 nak tlawmlo hliam an pu. Athimi lakah 3 hi ngakchiate an si tiah KTM nih a chim.
Ramri Hngak SAC Palik 63 Bangladesh Ram Ah An Zaam Chap- Rakhine ramkulh ah SAC ralkap le Rakhine ralkap AA kar kahdohnak a fak i February 6 le 7 ni ah ramri hngak SAC palik 63 cu Bangladesh ram ah an zaam chap, a zaam mi chung in a cheu cu hliampu mi an si, tiah Bangladesh hrambunh Bangladesh Sangbad Sangstha (BSS) Media nih nizan February 7 ah an langhter.
SAC ralkap le AA kar kahdohnak ruang ah a luancia ni tlawmpal chung ah Bangladesh ram ah a zaam mi ramri hngak SAC ralkap, palik le Immigration zung rianṭuan mi le a zaam chap mi palik an zate ah minung 337 an si, tiah Bangladesh Sangbad Sangstha (BSS) nih an chim.Bangladesh ram ah a zaam mi SAC ralkap le palik pawl cu Myanmar ram ah kuat ṭhan an timh hnanak kong Bangladesh Foreign Ministry in ṭuanvo ngeitu nih a chim.TCP
SAC ralkap pawl le zung rianṭuan hna cu vanlawng in Myanmar ram ah kuat ṭhan ding in fehter a si cang, tiah Turkey hrambunh AA Media nih cun an langhter.SAC ralkap pawl Bangladesh ram i an zaamnak kong he pehtlai in Myanmar-Bangladesh Ambassador cu Naypyidaw a phan cang i a rauh hlan ah SAC ralkap pawl cu Myanmar ram ah an kirter ṭhan hna lai, tiah ṭuanvo ngei pakhat nih a chim.