Kazin ramthen Shiato peng ah nun him ruah ah ralhrial mi hna cu ralhrang nih an thah hna. An thahmi hna hi minung 6 an si I, upa 3 le ngakchiatte 3 an si hna. Ralhrang aa chok mi nih an tlaih hna I an thah mi hna asi tiah Karenni ralbawi Bao Naing nih a chim. An thahmi hna hi lam pawng ah an kal tak hna, cucu mipi ralkap nih an hmuh hna. Ralhrial a thattu ralhrang hi khah-lah-yah 249 an si tiah Karenni ralbawi Bao Naing nih a chim.
Paletwa In A Zaam Mi SAC Ralkap Nih Matupi Peng Khuate Pahnih Ah Thilri Tampi An Fir- Paletwa peng in a zaam mi SAC ralkap pawl cu Matupi peng Lungpang khua le Sangtak khua ah an lut i khua mi hna thilri tampi an fir, tiah Matupi Peng Mizapi Ukhruainak Phu nih an thanh. A luancia January 20 zinglei suimilam 10:00 hrawngah Matupi peng Lungpang khua ah SAC ralkap pawl cu an lut i vok 10, meheh 3 le ar tampi an thah. Khua mi cycle 8 le solar tampi zong an hrawhpiak hna, tiah an langhter.
January 21 ah Sangtak khua ah an lut ṭhan i khua mi hna vok le an ar cu an thah i an eipiak ṭhan hna. Khua mi nih an i ngeih mi siikhan chung um solar 4, battery, Coolbox 1 zong an hrawh pin ah sii-ai a um mi dihlak an khanghpiak hna, tiah Matupi Peng Mizapi Ukhruainak Phu nih cun an langhter. Paletwa peng in a zaam mi SAC ralkap le CDF Matupi, CDF Paletwa le CNA cu January 20 le 21 ah an rak i kap i, SAC lei in ralkap 10 an thi.