Ralhraang Vawnlawng Rawhnak I Hliamtuar Phur Motor Taang.The Lairam Times|Central Lairam Lawngtlai 2024 Tangkhawng 23: Nihin 2024 Tangkhawng 23 Mizoram, Aizawl Lengpui Airport ah Kawl ralhraang vanlawng ai rawhnak ah hliamtuar phur ambulance cu Airport Terminal leng lei lampi dot cung tang ah a taang, tiah tualchung media nih an langhter.
Ambulance nih hin liamtuar pahnih phur in Lengpui sii-inn ah chiah a timh hna, Airport Terminal panhnak lam ( a lam naihnak bik) in sii-inn lei hi a panh. Asinain terminal lenglei lampi dot cung tang ah a taang. Caan zeimaw chung a taan hnuah lamdang in sii-inn a panhpi hna. Lampi dot cang tang ah a taannak ah hin Ambulance hi a rawkmi a pah, cun Ambulance hlei ah Lengpui Airport ah emergency dang Fire Department motor zong lamcung dot tang ahhin an i tlum lo.