Nihin Feb. 18, Myanmar Star Top 8 thimnak ah Mitcaw Aung Ko Ko cu Special Quest singer in sawm a si caah hlasaknak can an pek. Hla funghnih a sak. Asak dih ah Myanmar Star ngeitu Salai Lungthli Tum nih laksawng ah kawlram phaisa Ks 10,000,000 (10million) laksawng a pek. Lungthli Tum hi amah a rum ruang lawngah si loin midang caah kutsamh mi bawmh hi a duh mi hrimhrim asi. Amah hi midang cungah chawva a siang mi a si.
Mara Hmunram Kahdohnak Ah CNA Pakhat A Nunnak A Liam, Pali Hliam An Tuar; Mara hmunram ah MDF le CDF-Mara, CNA kahdohnak a fak chin lengmang. February 17, nihin kahdohnak ah CNA pakhat a nunnak a liam i pali hliam an tuar tiah CDF-Mara Information lei tlaitu nih The Chin Post ah a chim. Nihin kahdohnak ah MDF lei ah AA zong an i tel ngai tiah kahdohnak ah a um mi pakhat nih The Chin Post ah a chim chap.
Aliamcia ah khan CDF-Mara le CNA nih MDF cu drone in bomb an thlak hna. Mah lio ahcun CNA le CDF nih cun MDF cu thah ding taktak ah an rak timi hna asi lo. Mah unau cungah thahnawnnak kahdohnak taktak tuah cu an duh lo. Nain MDF thiltuah hi a tha lo kan cohlang kholo ti theihternak caah drone in an hei kah sawhsawh hna kha asi.
Nizan ah MDF nih amah unau taktak a simi CDF-Mara le CNA thah awk ah miphun dang mising pi a simi AA i sawmin CNA an thah than mi ruah ah MDF cawlcangh hi cu zoh sawhsawh awk cu an tha ti lai lo, supporters vialte telh in Chinram chungin thawl doi dih hmanh an hau te lai dah.