Kum dang Christmas tawn ahcun- Kum dang Christmas tawn ahcun chungkhar tlin loin kan hman hmanh ah, hawi le tling tein kan hmang ti kho hna i, nun a hlim, nun a nuam, a sunglawi khun ko.
– Tukum belte hi cu chungkhar tling in kan hman khawh lo lawng si loin hawi kan tling ti lo. Ngaihchiatnak phun hnih in a hmang mi kan tam.- Salai Phun Sang, Salai Tial Chawn, Salai Laikulh (2021 in kan hmang ti kho hna lo). Salai Van Biak Thawng, Salai Ngun Cung Lian (NG), Salai Elishama (2023) kum ah nan bau ve.
– Kan ngaihnak hna maw a zual deuh maw, kan hlam hna nak deuh dek hi a si ka fiang lo. Kan kawifa rual biakam tlaihtleng, “Ram ca ah kan thi lai lo ram ca ah kan nung zungzal lai,” ti a si ko nain Pathian khuakhan le lairel hi theih hngalh a har hringhran ko. Kan ngai tuk hna, nan rauthla tal in nan kan tel pi lai ti kan zumh ko kawi le. salai Tluangte
2023 Xmass Ah Uico Pulpit Cung Ankai. 2023 Xmass Ah Mipi TEINAk Cazin Khawmsuat Mi. 1027 Operation ni 57 ah TEINAK hmuhmi hna cu: MNDAA nih anduh bikmi cu Kokang ram Lokkang khualipi asi. TNLA nih an duh bikmi cu Namsam le Namkham Khualipi hna ansi. Kokang ram ah MNDAA nih anlak cangmi Khualipi hna cu: Chin Suihaw; Kuamlung, Kungciang, Mungkuk, Cukuk (Pansai), Phongsai hna ansi. Lokkang Khualipi hi anhip dih cang ko nain anlak khawh rih lo. Khuapi innlo tampi kan sung lai ti anphang caah alak rih hnalo.
10th December 2023 ah Tuluk Palai sinak thawngin Ni 15 kah daihnak ngawl chung asi. Lokkang khuapi in Raal ṭhial dih ding ti asi. 18th December 2023 ah Ralkap nih Lokkang Biuha kung in Miakpi le hriamngan in ankah hmasat hna caah raldohnak thawk ṭhan asi. 18th December ah Yanlungcaing gate, Ṭungchin, BP125 hna tukdohnak ah Ralkap nih Vanlawng in fakpi in akah hna caah Lokkang khuami tampi cu ahimnak ah anzam hna tiah theih asi.
TNLA Operation: 15th December Thawk in Namsam khuapi cu annamh. Raap Biuha le Sakhan hna, Ralkap Lakphak Setzung, Palik Sakhan, Cozah zung hna cu TNLA nih kah hram anthawk. Hongwizard 4 bakin Raap nih ankah hna nain 19th December 23 ah Namsam khualipi cu TNLA nih anlak khawh cang. Raap 900 leng umnak Sakhan Thitkung Biuha cu Ni 31 antuk hnu ah anlak. TNLA Ralkap 49 anthi, 145 hliamtuar ansi, mipi 13 anthi ti asi.
Namṭung, Nammaṭu, Kuatkhai khuapi ah raldohnak afak ngai. Anlak khawh rih hna lo, ca kaṭial lioah. Muse, Kuatkhai, Kyauk Me raldohnak ah vanlawng in Raap nih ankah hna. Dohnak afak. Tinni Khuapi le 106-mile hna cu Unau thum nih annamh cuah mah lio asi. An hip khawh ko nain anlak ngaingai khawh rihlo.
Arakan Operation: Yambya, Daungkuk, Ann, Paukdaw ah doh nak anfak ngaingai. Tank le Miakpi phunphun tiangin SAC nih an hmang. Paukdaw khuapi dohnak ah Tilawng in Miakpi in SAC nih voi tampi ankah hna. Veng ah Khual cazin check in SAC nih hma anlak. 18th December 2023 ah Yambya ah raldohnak anfak ngai. Kyaukphyu, Marraung, Thandwe, Kuah Khuapi, Daungkuk cu AA nih lak awkah antuk lio asi. Ca kaṭial lio ah anlak khawh rih hnalo.
AA cu Shanram Chaklei ah Unau thum hna he Raldohmi ansi rih. Chinram Paletwa Khualipi um Hnungbu Biuha kung le Taron Dai Biuha Kung cu AA nih anlak cang. Samit Khuapi le atang rih mi Raap sakhan lak awkah raldohnak cu AA nih atuah cuahmah. Sakai Operation: Kawlin, Khampat, Shwepyiaye, Mung Mawlu Operation hna ansi. Kawlin le Khampat cu KIA, CNA le PDFs nih an lak cang I Mipi uknak tang ah aum cang. Ṭhichai le Ṭanhsi lak ding ah ani zuam cuahmah lio asi. Chinland Operation ah lak cia mi Khuapi hna cu: Rihkhawdar, Hnaring, Surkhua, Makuiimnu, Weibula, Lailenpi, Rezua hna ansi. 1111 Karenni Operation: Meise, Loikaw, Mobya hna cu anlak khawh rih lo nain an hip cang.
Operation Ni 57 ah Raap Sakhan 300 leng kan lak khawh. Thantar rang he Surrender tuahtu 700 leng ansi. Humanitarian bawmhnak aherh mi ralzam 18 million leng ansi. 6 million leng cu Ngakchia ansi. A tuar bikmi hi Nu le Rohingya le Ngakchia ansi. 1027 Operation, 1127 Operation (DDay), 1111 Operation, 1113 Operations, Shwepisoe Operation le adang Operations ah Mipi kan Ralkap hna nih Khuapi 22 kanlak cang (Ni 57 Operation ah). Chinland (7): Rihkhawdar, Hnaring, Surkhua, Weibula, Lailenpi, Rezua, Makuiimnu. Shanram Chaklei: Mungkuk, Pansai, Namkham, Kungciang, Chinsuihaw, Kuamlung, Namsam. Sakai: Shwepyiaye, Mawlu, Kawling, Pinlebu, Khampat (Khuapi5). Kaya: Nanmekhung, Mesei (Khuapi2). Kachin: Injayang tbk hna ansi. RK