Kazin pyine KNU B-6 hmunram chung ah a ummi Zi Kan Kone SAC ralhrang sakan cu nizan zanlei ah KNLA hriamtlai nih an lak tiah KTM nih a tial. SAC sakhan hi a liamcia zarhkhat khan mipi ralkap nih an kulh dih hna. Nihnih chungah cunglei drone in pehzulh in Bomb an thlak hna. Ralhrang minung 3 cu meithal he mipi ralkap kutah an I pe. Anmah chimning in Zi Kan Kone sakhan chungah minung 40 kan um tiah an ti.
Cunglei in drone in bomb an thlak hna pinah tanglei in heh tiah an khah chih hna. Sakhan chung ah luh ah hin rawlbawi pakhat telh in minung tampi ruak an hmuh hna. Zi Kan Kone sakhan laknak ah hin Federal Wings, Cobra FW+KNDO FW chungin Drone team an I tel.