MDF Check Gate Ah Kyats Sing 10 Hrawng Man Zuu Le Beer An Tlaih- Chinram, Paletwa, Maraland Defense Force(MDF) uk mi hmunram chung ah Kyats sing 10 hrawng man zuu le Beer tlaih a si, tiah MDF nih an thanh.
“Paletwa peng, Mara hmunram chung um MDF Check Gate pakhat ah nizan March 31 zanlei ah khual a tlawng mi tualchung mi cu an chekhlat hna i zuu le Beer a phur mi tlaih an si,” tiah MDF DS nih a chim.
“Kan uk mi hmunram chung ah zuu le Beer zuar kham a si kong phungning tein cathanh cu kan chuah rih lo nain a luancia zarh chung ah kan kaa in ralrin kan pek cang hna. Atu tan i zuu le Beer kong ah tlaih a tong mi hna cu dan kan tat rih hna lo nain a phurh mi thil belte kan khuaipiak dih hna lai,” tiah MDF DS nih cun a chim chap.MDF nih an tlaih mi zuu le Beer cu Mizoram in Shinletwa khua ah phurh mi an si i Kyats sing 10 hrawng man a si. MDF uk mi hmunram chung ah zuu le rithaisii zuar a ngah lo caah a zuartu pawl cu an zuar mi thil zoh in dantat an si lai, tiah MDF lei nih an chim. TCP