Ukrainian President Volodymyr Zelenskyy nih Donald Trump cu sawmnak a tuah. Atimi cu, Russia he kan buainak hi suimilam 24hrs chungah na daihter khawh ding asi taktak ko ahcun Kyiv khualipi ah ra kan tlawng, Kyiv ah rak ra tiin U.K.’s Channel 4 News nih interview an tuah lio ah a chim. Mah cakuat hi Trump campaign spokesperson Steven Cheung nih lehnak a tuah lo.
Ukraine President nih a chim rih mi cu, Trump nih hibantuk biafang a hman hi tihnung a si, ataktak practical in a cang kho lo ding mi a si. Zeitintiah Russia le Ukraine hnatlaknak tello in, biaruahnak um loin zeitindah a si khawh hnga… cu caah hihi cu amah Trump pumpak ruahnak sawhsawh men lawnglawng a si tiah a chim chap.