Hakha Ah SAC Ralkap Kuttang Palik Nih Tualchung Mi Cu Kalape An Pek Hna.Chinram khuapi Hakha um, Myanmar Economics Bank hngaktu palik pawl nih tualchung mi cu Kalape an pek hna, tiah theih a si. Nihin January 22 zinglei ah Myanmar Economics Bank ah pension thlahlawh a chuahtu le tangka a chuahtu hna cu Bank hngak SAC kuttang palik pawl nih kalape thuk khat cio an phawt hna. Zeiruang ah dah kalape an phawt hna ti tu cu hngalh a si lo, tiah tualchung mi pakhat nih The Chin Post ah a chim.
Voidang Bank an kal caan ah atu bantuk in thil pek le thil phawt hi a um bal lo, tiah tualchung mi nih cun an chim i hi bantuk thil an tuahmi hi mizapi nih kan rem hna sehlaw kan thiltuah mi cohlang hna seh, ti an duh caah a si kho, tiah tualchungmi nih cun an chim. Myanmar Economics Bank ah hin voikhat tangka chuah ah a tam bik Kyats sing 5 lawng chuah khawh a si i cu hmanh cu zarhkhat ah voikhat lawng chuah khawh a si, tiah theih a si.