Laimi nih inn dum, Lo tibantuk ah kan cin mi le kan duh ngaingai mi Anfangkha hi ngandamnak caah a rak tha tukmi thei a si. Anfangkha nih hin Vitamin A, C, E le B9 a um. The fruits contain high amounts of vitamin A, vitamin C, vitamin E, vitamin B9.
Anfangkha hi zunthlum diabetes a neimi hna caah a tha khun tiah ti a si. Cu caah zunthlum zawtnak a ngeimi nih anfangkha hi a si khawh chung in ei khawh I zuam ding. A ei ning cang cu- A hring in Juice bantuk in a ti in din khawh asi. Car I a dip tein riam cun minutes 15 hrawng chumh I a hang din ding a si ko. Asi khawh ahcun amu chuah dih a tha bik. Anfangkha nih hin thisen thurhnom mi hrimhrim a thianh tuk caah a dangdang tampi ah a tha. Anfangkha ah hin Vitamin C a tamtuk caah ruh le vun caah a tha ngai ngai.
Cheukhat nih cun Anfangkha hi thikai a zualter tiah an ti caah thikai a neimi nih an ei ngam lo. Cucu a dik lomi a si. Anfangkha hi thikai High blood pressure a nei mi nih ei hrimhrim ding asi. Thikai a tumter lawng si loin thikai ruangah lungmih tibantuk zong a thatter chih. Vitamin C ah a rumtuk mi asi caah anfangkha nih hin kan takpum chung i zawtnak a do khotu Immune system a thawnter.
Minung ngandamnak caah a tha tuk kan ti lio ah a ei zia thiamlo, voikhat ah tamtuk lengmang ei ahcun ngandamnak a hnursuang than. Anfangkha tamtuk na ei ahcun naurawk a fawi ngaingai. Chungtlik, pawfah le stock heart attack a fawi. Cun, a khami asi caah thisen tum a fawi caah ruahlo piin lungmih a fawi. Nikhat ah tlawmtete in ei piak ko ahcun anfangkha cu minung ngandamnak caah a tha ngaingai mi thlai thei a si.