Chinland Council, Hluttaw le Cozah Phu Nih Rianṭuantu 60 Deng An Auh, CDM Pawl Papek A Si Lai-— Chin ramkulh ah mah tein uknak a ser mi Chinland Council, Chin ramkulh Hluttaw le Chinland cozah phu sin ah rianṭuan ding in minung 60 deng an auh hna tiah theih a si.Chinland Council ah rianṭuan ding zung bawi telh in rianṭuantu 8 an auh hna i a lung um mi nih sawk khawh a si tiah February 10 nithla in an auh.
“Kanmah tein kan ṭial mi phunghram nih a chuahpi mi cozah ah Chin mipi hna nih lungrual tein dothlennak ah teinak kan hmuh khawh nakhnga kanmah le kan ti khawhnak cio ah i tel hna usih” tiah Chinland Council General Secretary Salai Paul rian auhnak kong he pehtlai in a chim. Chin ramkulh ṭangne 3 caah a herh mi rianṭuantu pawl rian peknak caah CDM pawl papek nan si lai tiah Chin ramkulh cozah sin in theih a si. TCP