Atu cu Trump huatu taktak asimi CNN hmanh nih 2024 ahcun Donald Trump a tling than lai ti an zumh pah cang. Atu tiang US politics thimnak kong langhter mi ah US Media 60% nih Trump a tling than lai tiah an ti cang. Atu tiang campaign tuahnak ah siseh poll tete an tuahmi chungah Trump nakin mipi thinlung la kho deuhmi aho hmanh an um rih lo.
Thimnak hi November ah a si cang lai. Trump cu Republican Party in Nominee ah 90% a fiang ko cang. Zeitintiah Republican in a tangmi cu Nikki Haley lawng asi. Atu tiangah Nikki hi hnuhdok aa tim lo, Trump a zawmcawh peng rih ko. US polical scientists tiah an timi hna zong nih Donald Trump an zumhnak kong an chim cio cang.
An timi cu, US ram mipi siseh vawleicung ram nih hin economics hi a biapi tuk ah an chiah ruangah hi tutan ah thlennak a um lai tiah an ti. Media cheukhat nih cun White House ah Trump a thu than lai ti hi 60% afiang cang, Senate zong Republican nih atlaih than rih lai ti hi 85% a fiang I House belte hi Democrats nih a tlaih lai ti hi 55% zumh asi tiah an langhter.