Ralrinak Thawnthanh⚠️⚠️ Chin ramkulh, Hakha khua ah SAC ralkap nih hmun tamtuk ah hmunhma an lak caah Hakha khua um mipi hna, a hlei in mino nih umkal i ralring a herh. Gospel Biakinn, RC biakinn hmai, December Restaurant pawng le hmun tampi ah an um tiah thawngpang kan theih.
Chin Ramkulh, Hakha Khua Ah Kahdohnak A Chuak — Chin ramkulh, Hakha khua, Dawrhlun sang ah kahdohnak a chuak tiah thawng kan theih.March 18 zaanlei sml 2:00pm hrawng in Hakha khua, Dawrhlun sang ah kahdohnak a chuah hi a si.Kahdohnak hi zaaanlei sml 3:30pm luan tiang ah voikhat/hnih te aa peh rih tiah kan theih.
Hakha khuami pakhat nih “Kahdohnak hi a sau ngai. Hakha khuchung ah SAC pawl an i chawh tuk ruang ah an kah hna hi a si kho men. Cycle in aa chawk-vak mi pawl zong an check pah len hna” tiah The Chinland Post ah a chim.Kahdohnak chung in a th mi le aa hliam mi dirhmun theih a si rih lo.Nihin March 18 thawk in SAC nih Hakha khua ah chungkhar min cazin lak le ralkap lut ding cazin an lak ve cang tiah thawng theih a si.
Hakha Khua Ah SAC Nih Mipi Inn Chung Lut In Chungkhar Cazin An Lak, Ralkap Luhnak Ca An Phitter Hna
— Chin ramkulh, Hakha khua ah SAC nih March 18 thawk in mipi innchung ah lut in chungkhar cazin an lak leng ah, ralkap luhnak ca ah catlap an pek hna i minung min le hmatpungṭin an phit ter hna tiah thawng kan theih.Ca an phit ter mi hna chung ah, (a nih pa) cu ralkap lut ding in a kum tling cang. Ṭuanvo ngeitu pawl nih an rak i check tik hna ah hmuhsak ding tiah catlap pakhat an pek hna.
Cun (a nih pa) cu SAC nih a thanh mi ralkap luhnak phung (Military Service Law) ning tein ralkap lut ding ah a kum a tlin cang caah anih cu ralkap lut ding in min kan khumh cang tinak catlap pakhat zong an phit ter chih hna. Cu catlap a phit ter mi pa cu hmatphungṭin cazin tun ding in GAD zung ah thawng a rak thanh hrimhrim lai. GAD zung ah thawngthanh a hrelh ahcun phungning in dantat a si lai tiah auhnak ca (ဆင့်ခေါ်စာ) ah an langhter chih. TCLP
