Hakha Khuachung Ah Meithal Le Hriamngan Thawng A Dai Lo- Nihin March 18, chunhnu suimilam 1:30 in Hakha khuachung dawrhlun sang lei ah meithal thawng le hriamngan thawng pehtlai in a thang, tiah Hakha khuasa mi nih an chim. Hakha khuachung um mi pakhat nih cun, “Kaphnih kar i kahdohnak a fah caah a si men lai, SAC ralkap lei nih hriamngan zong an hman i, sang cheukhat ah cun dawr a khar mi an um nain a khar lo mi ceukhat zong an um ve ṭhiam, nihin Hakha khuapi cu meithal thawng le hriamngan thawng lawngte kan theih ko,” tiah The Chin Post ah a chim.
“SAC nih Hakha khuachung ah chungkhar cazin laak in ralkap tlaknak he aa pehtlai mi ca tualchung mi an pek hna ni theng ah Hakha khuachung ah kahdoh thawng pehtlai in a than cu ruah awk ngai cu a si,” tiah tualchung mi pakhat nih cun a chim chap. Hakha khuapi ah hin Chin ralkap le SAC ralkap kar kahdohnak a chuah le chuah lo kan fehter kho deuh lo nain tualchung mi hna chim ning ah kaphnih kar kahdohnak a chuah zumh a si. TCP