Breaking News- Bungzung Khua Um SAC Sakhan Cu Chin Ralkap Nih An Laak, SAC Captain Pakhat An Tlaih Chih. Chin ramkulh, Hakha peng, Bungzung khua um SAC ralhrang sakhan cu Chin ralkap hna nih December 18 zing in an kahdoh i zing suimilam 11:00 renglo hrawng ah an laak khawh, tiah Chin ralkap pakhat nih Lungmili Post ah a chim.
“Bungzung khua um SAC ralhrang sakhan cu an laak khawh cang i SAC ralhrang bawi Captain pakhat zong an tlaih. Kahdohnak ah SAC ralhrang nih raltuknak vanlawng in bomb a thlak” tiah Chin ralkap pakhat nih a chim chap. Kadohnak ah CDF-Thantlang in ke ralkap cheukhat le Drone, Mine phu hna zong an i tel. Cu kahdohnak ah kap hnih in a thimi, hliamhma tuarmi le hriamnam an laak mi kong ah thawngfiang theih a si rih lo. Hlathlainak an tuah liopi a si, tiah kan theih. Lungmili Post