Salai Tluang Te-Lungrual kho lo miphun in aa rual tak cangmi Chinmi –
- Tutan kan dothlennak hi cu, Chinmi tuanbia ahcun roling tuanbia le hmual a ngei taktak mi tuanbia, techin fapar chan tiang chim dong lo dingmi tuanbia a si tiah ka ruah.
- – Pau dothlennak kan thawk ka ahkhan cun a caan caan ah keimah pumpak in ka lung a dong i, hnu kir than kaa tim peng nain, kan ram kan miphun nih a herh timi lungput le ruahnak nih a ka det ca ah a har zong ka in, a fawi zong ka teh ta dih. Atu cu nun a nuam CNA ralkap ka si hi kaa uang tuk.
- – Atu ahcun lung aa rual kho bak lomi miphun in lung aa rual cem dirhmun kan naih cuahmah. Kan zapi kan i funtom khawh lai ti zong ruahchannak kau taktak ka ngei. A tak zong in a tling lai ti zaa ah zaa ka zumh i kaa ruahchan.
- – 2018 kum lio in miphun dawtnak lungput hi biatak tein ka rak ngei. Ka si khawh chung in miphun i fonhnak le lung i rualnak ding hi biatak tein ka rak tawlrel ve (keimah pumpak in mu). 2019 kum ah Mindat, Falam, Hakha, Thantlang, Matupi, Kalay hna kan vun i ruang ngai cang. Mino in kan rak thawk mi a si. Rakhine ram le Kachin ram tiang mahzah peng i minung khi Rakhine ah kan rak kal ti hna. (Hi nih hin lungrualnak lam an kan sialpiak tiin keimah pumpak in ka hmuh).
- – Chim duhmi cu atu zong ahhin kan lung aa rual taktak cang ti chim khawh a si. Hriamtlai phu a tam deuh, CNF/A ah kan i fonh cang. Chinland Council kan dirpi cang. Kan thawng chin lengmang cang. Kan lung aa rual thluahmah cang Pathian khuakhan le lairelpiak mi a si.
- – Ralkap zong a tam u cu One Command le One Budget in kan um dih cang. CNF/A ramkhel kan ramkhel, CNF/A an chiat pek an that pek kan i hrawm lai, CNF/A an tuahmi kan i hrawm lai ti a si cang.
- – Mah ca ah mipi kan kar ah i hmuh thiam lonak, i rem lonak a ummi hi pumpak in kan i thianh i kan hrial dih cikcek a hau. Zeitin kan thancho lai, kan ral kan tei tik ah zei ka tuan lai, zei kaa cuh te lai ti nakin kan lung aa rual nakding le kan ral kan tei khawh zok nakhnga hi papek in ruat cio hna sih.
- – Mipi nan thachia hlah uh, a hlan Chinmi kan si ti lo kan i fun cuahmah cang. CNF/A ahhin rak ra uh, CNF/A hi dirhkamh uh kan ram a dam lai