Aliamcia Donald Trump President a rak tuan lio ah UN Ambassador ah a rak thimmi Indian American Nikki Haley cu Donald Trump nih MIHRUT Birdbrain tiah a kawh cang. Nikki cu nihin tiang President cuhnak ah biatak tein campaign a tuah peng ko rih. Campaign tuahnak ah Donald Trump cu heh tiah a asoisel, a thangchiat.
Atimi cu, Donald Trump bantuk politics a theilomi mithalo nih America a hruai ahcun a si ko lo, President si awk aa tlak lo, amah nakin Joe Biden hi president caah cun a tha deuh tiah a ti. Tutan Campaign tuahnak ah Republican party in Trump le Nikki lawng an tang. Atu tiangah Nikki nih Washington DC pakhat lawngah a tei rih. Nihin tiang dirhmun ahcun Trump nih Nikki cu a tei ngaingai.
Nikki biachim cu Trump nih lehnak a tuah ve cang. A timi cu, Nikki Haley hi MIHRUT a si, a si ning cu keimah nih tha tein ka theih mi a si. President ka rak tuan lio ah mi nih upat arak tong ngaingai. Cu ahrampi cu keimah kha k arak si. Amah tein a tuah khomi a rak um lo tiah a ti
Trump nih a chimchap rih mi cu, President ka tlinte tikah cun, ati campaign ka tuah lio i phaisa bawmhnak a pe duh lomi, midang sinah heh tiah a pemi pawl hna khi kasin a ra i bawmh a ka hal hmasatu ding an si te lai. Nain cu hna vialte cu an caah innka ka khar kanh hna lai. Ka sinah donor a pe lomi poh cu an car ve lai tiah a ti.