Breaking News- February 15, 2024, tuzing ah Hakha khuathar GTI chak, pengkomh meithat zung hrawngah SAC ralkap nih aa chokvak mi an tlaih pah hna tiah thawng kan theih. Hakha a um mi vialte umkal le lengchuah i ralring cio ding a si lai. Thawngpang tlamtling deuh in tar khawh than (update) khawh kan i zuam lai.Rak share cio ulaw.
AA Nih Kyauktaw Sakhan 4 An Laak Mi Hriamnam Le Zen-Kuan An Langhter- Rakhine ramkulh, Kyauktaw hrambunh Khah Mah Yah 374, 375, 376 le Division headquarter Sah Kah Khah 9 cu AA nih an laak i hriamnam le zen-kuan an laak mi zong nihin February 14 ah an langhter.
Khah Mah Yah 377 Battalion sakhan cu January 14 ah an laak i January 16 ah Khah Mah Yah 539 Battalion sakhan zong an rak laak. January 30 ah Khah Mah Yah 374 cu an rak laak i February 2 zanlei suimilam 2:00 ah Kyauktaw hrambunh Sah Kah Khah 9 kuttang Khah Mah Yah 376 Battalion zong an rak laak. February 7 ah Kyauktaw khuapi um SAC ralkap sakhan dihlak cu AA nih an rak laak dih, tiah theih a si. TCP